2014年4月23日星期三

再見

阿麻, 病重時睇著您瑟縮係病床上, 身上插上透明既膠喉, 心裡為您而難過.
如今您已走完人生飽經風霜既路, 希望您可以安心再踏上另一道路.
唔知您係唔係已和爺爺同爸爸相認了?  願您們在天國快樂!
再見了!
 

2014年4月21日星期一

橫七古道

一連四日既復活節假期, 約好大師去行橫七古道.
起點大美督 八仙嶺遊客中心, 終點為鹿頸, 全長約十公里.
此古道位於仙嶺橫山頭山腰, 主要連接南涌四條古村,
分別為橫山腳上村, 橫山腳下村, 上七木橋村及下七木橋村.
係叢林中行走, 經過雜草叢生既破爛村屋, 
路徑上落唔大, 屬閑遊之選.

搭大埔前往大美督既紅van, 落車後行段大斜路,
見到八仙嶺遊客中心再行入少少, 就見到此入口.
登上梯級, 不久經過春風亭, 可惜太大霧乜都睇唔到.
 沿路不停咁上, 汗不停咁流, 爽!
來到登上八仙嶺既路口, 大師話在此有個cache,
good......唔洗五分鐘, 搵到!
繼續往新娘潭方向行, 霧氣漸散,
但因為係林中小徑, 所以又係乜都睇唔到.
經過橫山腳上村, 破爛石屋, 只剩下杳無人煙的荒涼.
過下七木橋下行一段後, 見前往尤德亭既指示牌.
我地又係度搵到個cache.
搵完沖杯咖啡, 香濃咖啡配以美景, 樂事也!
 食飽飽好想瞓添, 如果有張吊床就好囉!
沿指示牌唔洗半小時就到鹿頸了, 當然還可以選擇到南涌.
輕輕鬆鬆出身汗, 絶對推介此路線.